Plơi Vi Rơ Ngheo, să Đăk Tăng ataih mơng tơring kual Măng Đen, tơring glông Kon Plong năng ai 40 km anăp nao gah yŭ. Plơi anai hơmâo 63 boh sang anŏ, hăng 300 čô mơnuih, abih bang lêng kơ djuai ania Sêdang soh. Yua dŏ hơjăn amăng glai rưng, ană plơi thâo djă pioh gru grua hiam mơng đưm anun jing plơi Vi Rơ Ngheo dŏ djă pioh na nao gru grua hiam mơng sang dŏ, tơlơi ngă yang rơbang mơng djuai ania Sêdang.

Kiăng man pơdong plơi Vi Rơ Ngheo jing plơi tuai čuă ngui hơmâo Jơnum min mơnuih ƀon sang tơring čar Kon Tum pơsit, sui mơng anai 4 thun, tui tơlơi pơtô ba mơng gong gai hăng anom apăn bruă, ană plơi hơmâo mă yua gơnam hơmâo hơđăp, kah hăng kyâo, boh pơtâo amăng čroh ia, pơkra jing anih anom hiam, pla phun kyâo mơtah hiam biă. Truh ră anai, ană plơi ƀơi Vi Rơ Ngheo hơmâo djă pioh, pơdjuai hơmâo năng ai ñu 1.000 blŏ pioh bơnga hơtai rơman; rông, djă pioh 5 kơnua čư̆ pla bơnga hơtai rơman hăng bơnga sim, mua jum dar plơi.

Ƀơi anăp lĕ hơmâo 5 boh sang anŏ amăng plơi prăp lui bruă čơkă tuai nao ngui dŏ đih glăi. Ană plơi ăt prăp lui lu gơnam yôm, kah hăng čing, suang hăng djŏp mơta gơnam ƀong huă mơng djuai ania Sêdang bơwih brơi kơ ƀing tuai.