Amăng 2 thun rơgao, đơ đam tơring čar hmâo prăp lui laih 137 ring čing hơgor kơ hơdôm bôh plơi pla mơnuih ƀôn sang djuai ania ƀiă hơđăp ƀơi tơring čar; pơphun 143 bôh anih pơtô atông čing hơgor, suang.

Truh ră anai đơ đam tơring čar Kon Tum hmâo laih 409 bôh plơi djuai ania ƀiă hơđăp ƀơi tơring čar hmâo hơkrŭ glăi sang rông đưm – sa gru grua yôm phăn amăng bruă mă yôm phăn hăng bruă bôh thâo đưm čing hơgor mơ̆ng plơi pla. Tơring čar Kon Tum hrŏm hăng anun ngă tui lu hơdră hăng jơlan gah pơsir, kah hăng: pơphun pơtô gru grua bôh thâo đưm amăng sang hră, pơphun pơplông, jơnum ngui čing hơgor pioh pơpŭ, pơtrut mơnuih thâo tơlơi đưm pơtô glăi gru grua bôh thâo đưm čing hơgor kơ hơdôm rơnuk tô̆ tui./.