Hrơi jơnum ngui hmâo lu bruă mă tŭ yua, kah hăng: Bơkơtuai tơlơi adôh suang bơni kơ pran gum hrom hơbit, tơlơi rô nao rai gum hrom giăng mah, nao hrom hăng sa jua mơng 3 bôh dêh čar; pơdah băn ao đưm 12 djuai ania adơi ayong glăk dô̆ hơdip mơda, hrăm bruă hăng mă bruă ƀơi kual guai dêh čar; pơdah glăi sa dua phiăn ngă yang juăt yua hloh amăng Tết tui phiăn juăt Bunpimay hăng Chol Chnam Thmay.
Hrom hăng lăi pơthâo gru hiam Tết tui phiăn juăt đưm mơng 3 bôh dêh čar Việt Nam – Lao – Kur, ƀơi Hrơi jơnum ngui bơkơtuai bôh thâo Việt Nam – Lao – Kur hăng anăn ñu “Gru grua bôh thâo Đông Dương”, hơdôm gơyut gưl dlông hăng tuai hyu čuă ngui dô̆ dưi ƀong hơdôm gơnam ƀong tui phiăn juăt đưm, gum hrom lăi pơthâo nao rai kiăng thâo hluh dong kơ bôh thâo đưm mơng rim bôh dêh čar mơng anun ngă kơjăp tui pran gum hrom hơbit, tơlơi rô nao rai giăng mah kơjăp kơplah wah 3 bôh dêh čar./.
Viết bình luận