Kiăng djru hrom djă pioh, pơđĭ tui rơnoh yôm gru grua hiam đưm djuai ania; anăp nao čơkă hơdor glăi tal 40 thun Hrơi pioh kơ nai pơtô hrăm hră Việt Nam hăng hơdor glăi tal 110 thun hrơi akŏ pơdong tơring čar Kon Tum.
Rup hơmâo čơphil amăng mông pơplông gru grua hiam
Pơplông čing hơgor-suang arap hăng pơplông gru eng ao hiam djuai ania ƀiă brơi kơ čơđai sang hră dưi hơmâo Anom bruă Pơtô hăng Pơjuăt plơi prong Kon Tum pơphun na nao dua thun sa wơ̆t. Ƀơi mông pơplông tal VI thun anai, hơmâo 16 grup hăng giăm 1.100 čô čơđai sang hră pơplông.
Amăng hơdôm hrơi pơplông hơmâo rơbêh 300 čô čơđai sang hră pơplông atông čing, 500 čô čơđai suang arap hăng giăm 250 čô čơđai sang hră pơdah gru eng ao djuai ania ƀiă. Abih bang lêng kơ čơđai sang hră gưl sa hăng gưl dua laih anun lu kơ čơđai sang hră djuai ania Bahnar.
Bruă djă pioh pơphun na nao tơlơi pơplông atông čing-suang arap brơi kơ čơđai sang hră anai, jing sa bruă mă tŭ yua biă amăng bruă pơtô hăng pơjuăt plơi prong Kon Tum ngă kiăng djă pioh gru ama grua amĭ, pơđĭ tui rơnoh hiam, anŏ yôm mơ̆ng gru grua đưm djuai ania, pơtrut gưl ană tơčô mô yâo thâo khăp hăng pơpŭ kơ gru grua hiam djuai ania pô laih anun gir run hrăm hră, hơmâo tơlơi pơmin hiam klă, bruă mă djơ̆.
Viết bình luận