Nao pơplông čeo song nan gru grua plơi prong Kon Tum pok prong thun anai hơmâo 11 grup hăng 60 čô mơnuih. Hơdôm grup song nan rai mơng 9 boh să, phường amăng plơi prong Kon Tum hăng 2 boh tơring glông: Sa Thầy, Ia H’Drai.

Hơdôm grup song nan pơplông amăng 2 črăn, čeo song 200 met hăng 1.500 met. Tal pơplông anai kiăng pơsur pran pơbưp, djă pioh hăng pơđĭ kyar bruă čeo song nan mơng djuai nan, ngă pơtrut pơsur bruă pơplông amăng akŏ thun hăng pioh hơdor glăi 110 thun akŏ pơjing tơring čar Kon Tum.

Tơdơi kơ tal pơplông dik dak, tuč rơnuč dua čô mơnuih čeo song mơng să Kroong, plơi prong Kon Tum mă pri prong hloh čeo ataih 200 met; dua čô mơnuih čeo song să Sa Binh, tơring glông Sa Thầy mă pri prong hloh čeo ataih 1.500 met. Khul pơphun hơmâo jao brơi grup hơmâo lu song nan hloh brơi kơ să Sa Bình hăng gruơ să Kroong lơ̆m mă pri prong hloh amăng abih bang grup nao pơplông.