Kon Tum: Pơpŭ ƀing rơgơi kơhnâo thâo djă pioh boh thâo gru grua gah bơngăt
Thứ bảy, 09:48, 19/11/2022
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai - Mơmŏt lơ 18/11, ƀơi tơdrŏn lăk lơ 16/3 plơi prong Kon Tum, Jơnum min mơnuih ƀon sang tơring čar Kon Tum pơphun mông jao hră pơpŭ bơni mơng Kơnuk kơna kơ “Ƀing rơgơi kơhnâo thâo djă pioh gru grua gah bơngăt hăng pơđut hĭ tal pơplông atông čing, ayun suang mơng djop djuai ania ƀơi tơring čar Kon Tum tal I thun 2022.
Amăng hră pơsir mơng Khua mir sir, tơring čar Kon Tum hơmâo 15 čô mơnuih rơgơi kơhnâo hơmâo jao hră pơpŭ bơni mơng Kơnuk kơna anai lĕ ƀing “Nghệ nhân ưu tú”. Amăng mông jao hră pơpŭ, Jơnum min mơnuih ƀon sang tơring čar Kon Tum hơmâo jao hră pơpŭ “Nghệ nhân ưu tú” brơi 14 čô mơnuih rơgơi kơhnâo hăng jao hră pơpŭ brơi sa čô mơnuih rơgơi pơkŏn.
Hrŏm hăng mông jao hră pơpŭ mơng Kơnuk kơna kơ ƀing mơnuih rơgơi kơhnâo amăng bruă djă pioh gru grua gah bơngăt, mơmŏt hrơi anai mơn, Jơnum min mơnuih ƀon sang tơring čar Kon tum ăt pơphun mông pơđut hĭ, jao pri amăng tal pơplông atông čing, ayun suang mơng djop djuai ania ƀiă ƀơi tơring čar Kon Tum tal I thun 2022.
Viết bình luận