Kon Tum: Pơtrut tui anŏ klă 5 grup djru ječ tơlơi truh ƀơi jơlan nao rai
Thứ tư, 09:38, 20/09/2023
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV4.Jarai-Lơ 18/9, ƀơi tơring kual Đăk Tô, tơring glông Đăk Tô, Hlăk ai tơring čar Kon Tum pơphun Hrơi hlăk ai hăng gru hiam nao rai ƀơi jơlan glông čơkă Blan rơnuk rơnua nao rai ƀơi jơlan glông thun 2023.
Ƀơi hrơi Jơnum ngui, Khul hlăk ai tơring čar Kon Tum pơsit akŏ podong, djă bong mă bruă hăng 5 grup hlăk ai djru ba ječ mơnuih bưp tơlơi truh rơbuh rơbeč ƀơi jơlan Hồ Chí Minh truh pơ thun 2027, hơmâo mă bruă ƀơi 5 boh să mơ̆ng 4 boh tơring glông rok jơlan Hồ Chí Minh, anun lĕ: să Đăk Man, Đăk Môn tơring glông Đăk Glei; să Đăk Dục, tơring glông Ngọc Hồi; să Tân Cảnh, tơring glông Đăk Tô hăng să Đăk Mar tơring glông Đăk Hà. Hăng rim grup hơmâo mơ̆ng 10 truh kơ 13 čô hlăk ai, lơ̆m hơmâo tơlơi truh ƀơi jơlan Hồ Chí Minh, ƀing gơñu amra nao pơ anih, djru brơi mơnuih ruă tañ mơtăm đah mơ̆ng plai ƀiă hơmâo tơlơi ruă, tơlơi djai brŭ laih anun pơgang ba dram gơnam mơ̆ng pô ruă.
Viết bình luận