Gum hrŏm ngă Lơphet pok phun Blan mă bruă bơkơjăp drơi jăn kơ abih bang mơnuih hăng Hrơi đuăi tơkai Olympic yua kơ tơlơi suaih pral abih bang mơnuih ƀôn sang, hrŏm hăng pơdah adôh suang mơnuih ƀôn sang tơring čar Kon Tum thun 2024 hmâo rơbêh kơ 1.500 čô mơnuih lĕ mơnuih apăn bruă, mơnuih mă bruă čar, mơnuih mă bruă kơ sang bruă hăng adơi amai amăng khul đah kơmơi tơring glông Đăk Hà, Kon Braih, plơi prong Kon Tum.

Amăng bôh yôm pơdah adôh suang mơnuih ƀôn sang thun 2024, 500 čô adơi amai mơ̆ng khul amăng ao dai, pơdah adôh suang hăng črăn er adôh, suang tui djơ̆ tơlơi dăp hơdră mơ̆ng Khul pơlir hơbit đah kơmơi Việt Nam.

Tơdơi kơ mông ngă Lơphet mơtăm, rơbêh kơ 1.500 čô mơnuih gum hrŏm đuăi tơkai hăng rơwang ataih 1,5km./.