VOV4.Jarai  - Tơdơi kơ hrơi pơphun dik dak, tlam lơ 20/5, ƀơi plơi prong Kon Tum pơphun hrơi pơđut hăng jao pri tal pơplông “Ƀing čơđai pơtô pơblang lăi pơthâo hơdrôm hră” thun 2022. Tal pơplông “Čơđai pơtô pơblang lăi pơthâo hơdrôm hră” thun 2022 yua gơnong bruă gru grua, bơrơguăt drơi jăn hăng tuai čuă ngui tơring čar Kon Tum pơphun pơhưč giăm 80 čô čơđai mơng djop sang hră čơđai muai, sang hră gưl I, gưl II amăng tơring čar mut hrŏm.

Jao 2 pri prong hloh amăng tal pơplông

Amăng 2 hrơi pơphun tal pơplông, ƀing čơđai dưi pơtô pơblang, lăi pơthâo hơdrôm hră mơng ƀing gơñu mơng rơbêh 40 tơlơi bơră ruai yôm phara. Sit biă ñu lĕ hơdôm tơlơi akhan đưm, mơnuih ba gru ngă bruă hiam, tơlơi bơră ruai mơng amĭ hăng Wa Hô kiăng khăp. Pơđut mông jơnum, Khul pơphun jao pri 41 čô mơnuih hăng 10 khul grup.

Siu Đoan: Pơblang