Amăng mông jơnum hmâo 6 čô mơnuih thâo bruă đưm dưi hmâo Khua Jơnum min mơnuih ƀôn sang tơring čar Kon Tum ƀơk Hră bơni; 23 čô mơnuih dưi hmâo Khua Grŭp djuai ania tơring čar Kon Tum ƀơk Hră bơni yua kơ hmâo bôh than prong amăng bruă pơgang hăng ngă tui hơdôm nua yôm bruă mă đưm mơ̆ng djop djuai ania ƀiă hơđăp ƀơi anai.

Tơring čar Kon Tum ră anai hmâo 42 djuai ania adơi ayong hơdip hrŏm, amăng anun hmâo 7 djuai ania ƀiă hơđăp ƀơi anai, anun lĕ: Hơdang, Jeh Triêng, Bahnar, Jarai, Brâu, Rơmăn hăng Hrê. Găn rơgao hơdôm hrơi blan, truh ră anai djop djuai ania anai ƀơi Kon Tum ăt djă pioh mơn lu gru bôh thâo đưm mơ̆ng djuai ania pô, rơđah biă ñu lĕ hơdôm bruă mă đưm kah hăng rơngaih mơñam băn ao, kiă čong gă, mơñam bung bai, pơkra hơdôm gơnam mă yua đưm, trah trel kyâo,... ngă lu dong tơlơi hơdip mơda pran jua hăng gơnam tam mơ̆ng mơnuih ƀôn sang./.