Akŏ Dhông jing plơi pla djuai ania Êđê hơmâo pơdong sui mơng anai 60 thun laih. anai hơmâo lăng jing plơi djuai Êđê hiam pơdrong hloh ƀơi Dak Lăk hăng lu boh sang glông gru đưm, hơmâo lu phun kyâo hăng bơnga hiam. neh met wa pơ anai ăt dŏ djă pioh mơn bruă atông čing, pĕ gong brô̆, djŏp bruă tui gru đưm.

Ngă tui tơlơi pơtrun mơng Jơnum min pơ ala mơnuih ƀon sang tơring čar Dak Lăk, thun blan rơgao, prăk mơng tơring čar brơi giăm 1 klai prăk laih kơ buôn Akŏ Dhông pioh pơkra anih pioh rơdêh, sang juă glai, pŏng rơnap pơčrâo brơi jơlan...akŏ pơdong Grup wai lăng plơi pla tuai čuă ngui hăng pok anih pơtô bruă čơkă tuai kơ mơnuih ƀon sang. Truh ră anai, buôn Akŏ Dhông hơmâo pơhlôm klă laih anih anom kiăng yua, hơmâo gơnam, mơnuih mă bruă bơwih brơi tuai amăng lŏn ia wơ̆t hăng čar rơngiao.