Bruă pơdă prưng, lăi pơthâo truh djop mơnuih rơbêh kơ 100 pok rŭp lăi kơ hơdôm jơlan hơdră, bruă mă phun hăng anăp nao Festival bơnga Đà Lạt rơgao 8 tal Festival pơphun. Kiăo tui anun, mơng “Jơnum ngui bơnga” dưi pơphun amăng thun 2004, truh thun 2005, Đà Lạt sit nik pơphun Festival bơnga tal sa hmâo anăn ñu “Đà Lạt – Anih lăi pơthâo djop mơta bơnga”. Yap mơng anun sit 2 thun sa wot, Đà Lạt –Lâm Đồng djă pioh bruă pơphun Festival bơnga.

Kơnong kơ Festival bơnga Đà Lạt tal 9 anai, yua bơbeč mơng klin Covid-19, pơ ala kơ pơphun amăng thun hlâo lĕ truh thun anai mơng dưi pơphun.

Rơngiao kơ pơdă prưng rŭp “Đà Lạt rơgao 8 tal Festival Bơnga”, amăng anih pơdă prưng, Khul čih bôh pia tơlơi adôh suang Lâm Đồng ăt gum hrom pơdă prưng mơn, lăi pơthâo 130 mơta rŭp, rŭp trah mơng ƀing thâo bruă trah trel, čơphin rŭp kơ gru hiam bôh thâo đưm, ană mơnuih, hơdôm anih anom hiam hmâo anăn “Đà Lạt kâo khăp”./.