Hrŏm hăng mông pok pơphun, pơđut hĭ hăng jao pri, jơnum ngui pơdah phim amra pơphun lu bruă mă phara anun lĕ: pơphun hơdôm mông jơnum bơkơtuai kơ “Tơlơi dưi wai pơgang mơng pô pơkra phim”, “Pơjing hơnong pơkă lăng phim pơdah tui hăng jơlan gah pơkra phim phrâo”; jơlan hơdră pơbưp nao rai ƀing kơhnâo kơhnăk, mơnuih lăng phim, ƀing čơđai sang hră amăng plơi prong; pơphun hyu čuă lăng amăng plơi prong Đà Lạt-Lâm Đồng; pơphun pơdah phim amăng sang hăng gah rơngiao…

Anai lĕ hrơi mông kiăng gơnong bruă pơkra phim Việt Nam lăi pơthâo tơl abih bang djop phim pơdah rơđah djop mơta amăng tơlơi hơdip mơda mơng anom bruă pơkra phim. Anăp nao pơjing gơnong bruă pơkra phim pơplih phrâo ƀơi Việt Nam bă blai tơlơi yôm mơng djuai ania, pơplih phrâo hăng hiam klă.