Ƀơi plơi prong Buôn Ma Thuột, rơbêh 400 boh sang sĭ kơphê mut hrŏm tuk bia kơphê mơñum soh sel brơi mơnuih ƀôn sang hăng tuai čuă ngui ƀơi 3 anih phun anun lĕ: Sang čơ @Buôn Ma Thuột (jơlan Tôn Đức Thắng), Tơdron lăk 10/3 hăng Jơlan hơdrôm hră Buôn Ma Thuột amăng 2 hrơi, mơng lơ 9-10/3 pơ anăp.

Bơ ƀơi anih čuă ngui Cầu treo Buôn Đôn, Jơnum min mơnuih ƀôn sang tơring glông Buôn Đôn gum hrŏm hăng gơnong bruă gru grua, bơrơguăt drơi jăn hăng tuai čuă ngui, anom bruă bơwih brơi tuai čuă ngui hăng sang jưh tuai Biệt Điện pơphun jơlan hơdră “Hrơi ngui gru grua-bơrơguăt drơi jăn-tuai čuă ngui blan 3 Dap kơdư”. Amăng anun, yôm hloh lĕ hơdôm mông ngui atông čing hơgor, pel ĕp thun blan akŏ pơjing, pơđĭ kyar Plơi bul pơtâo hăng pơmut nao rai gru grua kơplah wah djop djuai ania amăng ƀon lan, ngui buh eng ao djop djuai ania.