Ring bruă anai ăt man pơdong tui rup rơman, anai lĕ hlô mơnong yôm amăng tơring čar Dak Lak. Bah amăng jang gah yŭ plơi prong Buôn Ma Thuột hơmâo man pơdong amăng jơlan mrô 1, găn nao rai kơplah wah phường Thành Nhất hăng să Ea Nuôl, tơring glông Buôn Đôn. Gong dua bơnah lĕ rup dua drơi rơman kô̆ man pơkra hăng ƀêtông. Akŏ rơman hăng trom rơman rơngak đĭ, đŭp mă amăng jang hăng pơsơi kô̆ rơhaih 14 met, glông 8,5 met. Amăng jang gah yŭ plơi prong Buôn Ma Thuột hơmâo dưm truă kơƀang điệt tử dua bơnah, yua apui kơđen đuăi lič lač. Abih tih prăk tuh pơ alin man pơdong lĕ rơbêh 5,5 klai prăk.
Tui ơi Trần Đức Nhật, Kơ-iăng khua Jơnum min mơnuih ƀôn sang plơi prong Buôn Ma Thuột, amăng jang gah yŭ plơi prong Buôn Ma Thuột ƀu djơ̆ kơnong kiăng pơhlôm brơi hiam hăng kjăp đôč mơ̆ ăt kiăng lu mơnuih thâo gru grua, lŏn mơnai glai čư̆ hăng ană mơnuih, pơtrut djă pioh gru grua yôm phara hăng wai pơgang rơman. Anai lĕ ring bruă pioh hơdor glăi 120 thun akŏ pơjing tơring čar Dak Lak hăng 120 thun Buôn Ma Thuột pơjing hăng pơđĭ kyar.
Viết bình luận