Yă Linh Nga Niê Kdăm anăn biă mă ñu lĕ H Linh Niê Kdăm, djuai ania Êđê, tơkeng thun 1948 ƀơi Việt Bắc. Tơdơi kơ 25 thun hrăm hră pơ kual Kơdư, ñu pot glăi Dak Lak, mă bruă amăng grup adôh suang djuai ania tơring čar hăng ñu lĕ pô adôh, ñu juăt hyu adôh suang amăng plơi pla kual ataih, asuek. Amăng bruă pơčeh tơlơi adôh suang, ñu hơmâo lu tơlơi adôh mơ-ak brơi kơ kual Dap kơdư - Dak Lak, hơmâo lu mơnuih hor.
Tơdơi anai, ñu ngă Khua sang hră cao đẳng Văn Hóa Nghệ Thuật Dak Lak, pơtô adôh brơi kơ čơđai hrăm hră. Djop rơnuk čơđai hrăm hră lêng kơ hơmâo lu tơlơi truh kih amăng tơlơi adôh suang, amăng anun hơmâo Nghệ sỹ Nhân dân rơgŏm Y Moan Êñuôl hăng Y Phôn Ksor.
Amăng mơmŏt ngui adôh suang, hơmâo lu tơlơi adôh suang yua yă Linh Nga Niê Kdăm pơčeh hăng hơmâo mông bơră ruai hrŏm 3 čô mơnuih rơgơi pơčeh tơlơi adôh suang: Linh Nga, Nguyễn Cường hăng Y Phôn Ksor, pơdah pran jua mơng ƀing gơñu hăng tơlơi adôh suang ƀơi kual Dap kơdư.
Viết bình luận