VOV4.Jarai - Tal pơplông mă pro Futsal HDBank kơtang hloh Dêh čar 2022 sit nik pơphun ƀơi plơi prong Đà Lạt (Lâm Đồng) amăng hrơi anai lơ 1/6. Djŏp bruă prăp lui pri anai hơmâo Anom pơphun bruă hăng anom apăn bruă tơring čar Lâm Đồng hơmâo ngă giong. Pri Futsal HDBank Kơtang hloh Dêh čar 2022 hơmâo 11 grup pơplông. Ƀing pơphun bruă hơmâo kah tơlơi pơplông jing 2 wơ̆t kiăng arăng bơkơtưn kơtang hloh, ngă pơhưč hloh, laih anun kiăng bruă pơplông klă hloh. Blung a (kah đuăi grup tơdu) pơphun mơng lơ 1/6 truh lơ 9/6, hăng 5 grup pơplông. Hơdôm grup pơplông anai amra pơplông pơdar nao rai ha wơ̆t či jŭ puang, dăp mrô. Amăng anun, 4 grup hơmâo puang lu hloh nao pơplông tal 2 dong. Rơwang 2 hơmâo 10 grup, pơplông 2 wơ̆t, nao hăng rai. Amăng anun, tal pơplông nao pơphun mơng lơ 13/6 truh lơ 4/7 ƀơi Anom bruă pơtŏp, pơplông bơkơjăp drơi jăn tơring čar Lâm Đồng, pơplông pơwơ̆t glăi him lăng mơng lơ 5/11 truh lơ 26/11/2022 ƀơi Sang pơplông prong Cần Thơ.

Siu H’Mai: Pơblang