Bruă ngă anai, kiăng pơsit hơmâo khua mua pơ ala 11 boh dêh čar amăng kual Đông Nam Á nao pơplông hrom ASEAN PARA Games. Tui hăng tơlơi lăi pơthâo, rĭm boh dêh čar hơmâo 30 čô mơnuih pơplông, khua mua nao jơnum hrom hơdui đĭ hla kơ. Tal pơplông pơrơguăt drơi jăn anai pioh kơ ƀing ƀu klă drơi jăn ƀơi kual Đông Nam Á iâu klah čun ASEAN Para Games 12 pơphun ƀơi dêh čar Kur mơ̆ng lơ 3-9/6. Tui hăng tơlơi pơhing mơ̆ng dêh čar Kur, ASEAN Para Games 12 hơmâo năng ai 2600 čô mơnuih, amăng anun 1400 čô mơnuih pơplông sit nik rai mơ̆ng 11 boh dêh čar amăng kual dơnung ngŏ ASIA ta juăt lăi Đông Nam Á.

Ƀing nao pơplông amra pơplông đuăi, pah blâo mơnŭ, boccia, ngă anŏ rĭ, čưng boh lông grup 5 čô, 7 čô, pơplông judo, pŭ pua yŏng kơtrâ̆o, luai ia, pah peng pong, pah boh lông dŏ ber, pah boh lông sreh đĭ rơdêh tung glung hăng tơngan, E-sport. Lơ 31/5, Grup mơnuih ƀu klă drơi jăn mơ̆ng Việt Nam đĭ rơdêh por nao laih pơ dêh čar Kur pơplông hrom hơmâo abih bang lĕ 159 čô, amăng anun 16 čô mơnuih mă bruă wai lăng grup, 21 čô nai pơtô pơrơguăt drơi jăn hăng 122 čô mơnuih pơplông amăng 8 mơta tơlơi pơplông kah hăng đuăi, luai ia, pŭ pua, pah blâo mơnŭ, pah peng pong, ngă anŏ rĭ kơ wua, judo hăng boccia.