VOV4.Jarai-Lơ 4/4, Khua ding jum gru grua pơrơguăt drơi jăn hăng tuai čuă ngui, ơi Nguyễn Văn Hùng hơmâo kĭ hră pơsit Tơlơi ngă yang ngui ngor Katê mơ̆ng djuai ania Čăm ƀơi Bình Thuận pơmut amăng anăn tŭ yap anŏ gru grua hiam mơak pran jua gưl dêh čar. Katê lĕ sa gru grua ngă yang đưm prong biă mă rĭm thun mơ̆ng mơnuih ƀôn sang djuai ania Čăm tui đăo Balamôn, juăt pơphun akŏ blan 7 tui thun djuai ania Čăm, juăt ñu amăng rơnuč blan 9 akŏ blan 10  rĭm thun.

Anai lĕ gru grua ngă yang amăng plơi pla mơ̆ng đưm hiam mơak biă mă, kiăng h'ŭ hơdor kơ yang atâo ƀing ơi yă ngă khua, hơmâo djru djuai ania Čăm mơ̆ng đưm. Jơnum ngui ngă yang Katê pơphun amăng anih ngui ngor prong djop plơi pla, nao pơyơr gơnam ƀong huă pơ pra yang đưm, ƀudah pơsat prong gah djuai ania Čăm hơdor kơ atâo ơi yă, mông anai yơh djop plơi pla ƀong mơñum ngui ngor mơak biă mă buh eng yâo ao hiam tơmưn tơdăm dra tha muai čơđai hlăk kơdok kơdor mơtam djop sang anŏ Čăm.

Mơnuih ƀôn sang djuai ania čăm ƀơi Bình Thuận hơmâo 8.300 boh sang anŏ dŏ pơtum amăng 9 boh plơi pla dŏ plah wah hrom hăng 4 boh să lĕ sa hnong djuai ania Čăm. Amăng anun, hơmâo mơkrah mrô djuai ania Čăm đăo Balamôn. Jơnum ngui ngă yang Katê jing sa tơlơi jơnum ngui ngor prong biă mă djă pioh gru grua hiam mơ̆ng djuai ania Čăm Bình Thuận, djru hrom djă pioh boh thâo ia rơgơi, gru grua hiam đưm djuai ania laih anun pơđĭ tui rơnoh yôm gru grua djuai ania Čăm.

Laih dơ̆ng, anai lĕ ăt mông gêh găl pôr pơthâo gru grua hiam djuai ania Čăm hăng tuai rơnguai amăng dêh čar laih anun dêh čar tač rơngiao nao ĕp lăng.

Nay Jek: Pơblang