Mơguah tom brơi lơ 27/3, Jơnum min mơnuih ƀôn sang tơring glông Phú Thiện hmâo pơphun ngă yang rơkâo ia hơjan mơ̆ng Yang Pơtao Apui hăng Pơplông bôh thâo đưm – bơkơjăp drơi jăn djop djuai ania ƀiă tal 16 ƀơi Kual djă pioh gru grua đưm – bôh thâo đưm lŏn ia Plei Ơi (să Ayun Hạ, tơring glông Phú Thiện, tơring čar Gia Lai) kiăng lăi pơhưč hyu gru grua bôh thâo đưm hăng tơhnal gal bơwih ƀong – mơnuih mơnam, ngă pơhưč tuai hyu čuă ngui hăng mơnuih tuh pơplai amăng bruă wai lăng tuai čuă ngui. Mông ngă yang rơkâo ia hơjan pơphun ƀơi kơčŏng Čư̆ Tao Yang, yua kơ ơi Siu Phơ, pô djru bruă rơnuk Pơtao Apui tal 14, hrŏm hăng khul mơnuih tha plơi hăng mơnuih thâo phiăn đưm djru git gai.

Tơlơi ngă yang rơkâo lŏn adai ba truh ia hơjan klă pơ-iă hiam, djru phun pla bluh đĭ hăng ană plơi gum hrŏm hơbit, suaih pral, yak rơgao djop tơlơi truh mơ̆ng lŏn adai. Hrŏm hăng ngă yang lĕ Jơnum ngui pơplông bôh thâo đưm – bơkơjăp drơi jăn, hăng lu bruă mă lu mơta kah hăng pơdah atông čing rơgor, mơñam bung bai, trah rup, rơngaih mơñam băn ao, hăng hơdôm tơlơi ngui đưm kah hăng pơplông đuăi gai sưng, pơ-anah hrăo hăng pơplông kơplong kơsăk. Biă ñu, pri pơplông đuăi hmâo anăn “Kiăo tui kru tơkai Pơtao Apui” ăt dưi pơphun mơn, pơjing tơlơi jơnum ngui mơ-ak kơ mông jơnum ngui ngă yang./.