VOV4.Jarai - Ngui adôh suang đơ đam dêh čar thun 2021 (tal 2) hơmâo pơphun amăng lơ 17/6, ƀơi plơi prong Buôn Ma Thuột, Dak Lak. Pơphun mơng lơ 17-30/6, tal ngui adôh suang hơmâo rơbêh 1.000 čô mơnuih thâo adôh suang, ƀing apăn bruă mơng 22 boh anom bruă adôh suang đơ đam dêh čar. Tal ngui adôh suang hơmâo: Adôh, ayun suang, pĕ gông brô̆.

Ngui adôh suang đơ đam dêh čar ƀơi Dak Lak

Anai lĕ hrơi mông kiăng ƀing thâo adôh suang bưp, hrăm nao rai, mơng anun amra thâo rơgơi dong amăng tơlơi adôh suang; laih dong anai lĕ hrơi mông kiăng anom bruă wai lăng gru grua hăng ƀing khua mua mơng hơdôm anom bruă adôh suang ĕp tơlơi thâo thăi mơng hlăk ai, mơng anun amra pơtô hrăm brơi lăp djơ̆. Hlâo anun, tal 1, Ngui adôh suang đơ đam dêh čar hơmâo pơphun hiam klă ƀơi ƀôn prong Hải Phòng dong mơng lơ 18-28/11/2021.

Siu Đoan: Pơblang