Hrơi ngui adôh suang yôm phăn anai tum pơƀut glăi rơbêh 100 čô mơnuih rơgơi kơhnâo hăng 17 mông ngui pơphun sui truh abih lơ 17/3. Mông ngui adôh tơlơi adôh đưm yua kông ti pơčruih ngăn pơphun ngui ngor Việt Nam pơphun kiăng mut hrŏm bruă Đà Lạt tŭ yap amăng anăn plơi prong pơčeh mơng UNESCO amăng tơlơi adôh suang.

Jơlan hơdră pơphun ƀơi 4 anih ƀơi Đà Lạt kiăng ƀing mơnuih hor hmư̆ adôh suang hăng tuai čuă ngui dưi nao lăng, hmư̆ tơlơi adôh suang. Pok blung hơdôm mông adôh suang amăng hrơi ngui ngor, mơguah lơ 10/3, jơlan hơdră hmư̆ pĕ gông brô̆ hơmâo mông ayŭp đing pơphun ƀơi jơlan ngui adôh suang blung a amăng plơi prong Đà Lạt pơhưč lu mơnuih nao lăng. Lu tơlơi adôh sô hơđăp hơmâo pĕ pơplih phrâo, hơmâo tơlơi mut hrŏm gru grua hăng nao lăng hơdôm anih ngui phara.