Jơlan hơdră hơmâo pơphun tui tơlơi adoh suang, ngă sen hơmâo 16 grup nao pơplông hrŏm. Hơdôm tơhnal pơplông hơmâo ngui pơđok boh pia, tơlơi adôh, tơlơi ngă sen, hơdôm grup nao pơplông hơmâo pơdah rơđah tơlơi iâu pơthưr kơ bruă pơhlôm rơnuk rơnua amăng jơlan glông, pơjing gru grua hiam lơ̆m đuăi rơdêh amăng jơlan tui anăn Sang anŏ gơgrong ngă tui bruă pơhlôm rơnuk rơnua amăng jơlan.

Anai lĕ hơdôm bruă sit nik mơng đah kơmơi Dak Lak lơm ngă tui “Blan rơnuk rơnua amăng jơlan glông” thun 2023, anăp nao tal hơdor glăi 78 thun tơgŭ hơkrŭ blan 8 hăng hrơi akŏ pơjing kơnuk kơna lŏn ia 2/9. Mơng anun kiăng thâo ƀiă dong, ngă tui pran gơgrong, gir run, thâo pơčeh phrâo mơng đah kơmơi lơm mut hrŏm bruă pơhlôm rơnuk rơnua amăng jơlan glông, pơlir hăng hơdôm bruă mơng khul đah kơmơi djop gưl.