Tlam lơ 12/11, ƀơi plơi prong Đà Lạt, Ding jum gru grua, bơrơguăt drơi jăn hăng Jơnum min mơnuih ƀôn sang tơring čar Lâm Đồng hơmâo pơphun lău pơthâo hơdôm boh tơhnal bơdjơ̆ nao hrơi ngui pơdah phim Việt Nam tal 23 pơphun dong mơng lơ 21 truh lơ 25/11 pơ anăp. Hrơi ngui pơdah phim Việt Nam tal 23 hơmâo 177 phim ba nao pơplông, anai lĕ mrô phun lu hloh dong mơng hlâo anun. Amăng anun, hơmâo 91 phim hơmâo ruah amăng jơlan hơdră pơplông, hăng 56 phun hơmâo ruah amăng jơlan hơdră phim pơdah djop mơta.

Rơngiao kơ mrô pok blung, pơđut hĭ hăng jao pri, hrơi ngui pơdah phim ăt pơphun lu bruă mă pơkŏn anun lĕ pơdă prưng “Đà Lạt - pơsur pran pơkra phim”; hơdôm mông jơnum bơkơtuai “Wai lăng boh thâo ia rơgơi amăng pơđĭ kyar pơkra phun”; “Sa, dua tơlơi yôm phun amăng pơjing gơnong bruă pơkra phim Việt Nam”; jơlan hơdră pơhưp nao rai ƀing kơhnâo kơhnăk hăng mơnuih ƀon sang tơring čar Lâm Đồng; mông pơdah phim amăng sang hăng gah rơngiao; hyu čuă ngui jum dar Đà Lạt - Lâm Đồng.