Hrơi pơdă prưng lăi pơthâo tơl abih bang 4 boh tơhnal yôm phăn kơ hơdră blah wang Hồ Chí Minh hing ang, hăng pơƀuh glăi rup rap, hră pơ-ar kơ Khua mir sir Hồ Chí Minh hăng rơnuk pơklaih rơngai kual Dơnung, pơlir lŏn ia ta jing sa, hrŏm hăng hơdôm tơlơi dưi yôm phăn mơng ƀôn prong Hồ Chí Minh amăng hơdôm thun rơgao.

Hrơi pơdă prưng pơphun mơng lơ 8/4 truh abih lơ 20/5, anai lĕ sa amăng hơdôm bruă mă yôm phun pioh hơdor glăi 50 thun pơklaih rơngai kual Dơnung, pơlir lŏn ia ta jing sa (30/4/1975-30/4/2025), pơgôp pơtô pơjuăt gru grua ngă hơkrŭ, pran khăp kơ lŏn ia brơi ƀing apăn bruă, ling tơhan hăng mơnuih ƀôn sang, sit biă ñu lĕ rơnuk hlăk ai, pơgôp pơjing lŏn ia ta jai hiam klă hăng wai pơgang kjăp lŏn ia. Amăng hơdôm hrơi pơphun pơdă prưng, lu tơlơi ngui ngor hơmâo pơphun, anun lĕ čur amăng luh, čoh hla kơ pơklaih rơngai, ƀong gơnam ƀong huă mơng rơnuk blah wang….