Hrơi huă pơsat Ơi pơtao Hùng - Hrơi ngă yang ƀơi Pra yang Pơtao Hùng hăng Rơwang hrơi tơjuh gru grua tuai čuă ngui pơ kual lŏn Ơi yă đưm thun Giáp Thìn 2024 yua tơring čar Phú Thọ pơphun kiăng pơpŭ bơni gru grua khăp kơ lŏn ia, kjăp tơlơi pơmin “mơñum ia hơdor kơ pô klơi” hăng pran jua gum pơgôp abih bang djuai ania lăng glăi anih amĭ ƀă yă pơjing, pơpŭ kơ ơi yă; djă pioh hăng pơtrut tui gru grua boh thâo yôm pơlir hăng pơđĭ kyar tuai hyu ngui ƀơi kual lŏn pơjing rai ơi yă ta.

Bruă ngui ngor thun anai hơmâo lu bruă pôr pơthâo, pơƀuh gru grua hiam mơ̆ng Việt Nam hơmâo tơlơi ngui hăng ngă yang. Amăng tal anai, ƀơi Kual anih gru đưm Pra yang pơtao Hùng hơmâo tơlơi ngă yang kah hăng: Tŭi ñang hơdor kơ djŏp rơnuk Pơtao Hùng hăng Dưm bơnga ƀơi Rup kač “Wa Hồ ră ruai hăng khua mua, ling tơhan Khul tơhan ba jơlan hlâo”; Ngă yang huă pơsat Pô pơjing rai lŏn ia Lạc Long Quân; tŭ ñang kơ Amĭ Âu Cơ hăng bruă tŭi ñang mơ̆ng hơdôm boh tơring glông, plơi prong ƀơi Pra yang Pơtao Hùng; rơngiao kơ anun, hơmâo bruă ngui ngor tui gru đưm, adoh suang...