Tơlơi hmư̆ hing hloh mơ̆ng bruă djuai ania ƀơi plơi prong Buôn Ma Thuột jing bruă djă pioh hăng pơtrut tui gru grua boh thâo djŏp djuai ania pơlir hăng bruă bơwih brơi tuai hyu ngui. Lu plơi pla glăk akŏ pơjing grup mơnuih kơhnâo, pơjing glăi bruă pơkra gơnam tui boh thâo đưm, pơkra glăi  hơdôm boh sang dlông jing anih đih pơdơi homestay, anih čuă ngui bơwih brơi kơ ƀing tuai.

Ơi Trần Đức Nhật, Kơ-iăng khua Jơnum min mơnuih ƀôn sang plơi prong Buôn Ma Thuột brơi thâo, hăng jơlan hơdră akŏ pơdong Buôn Ma Thuột jing plơi prong mơtah - hơmâo anih hiam - gru grua hiam, plơi prong kiăng hơmâo lu mơnuih tuh pơ alin pơđĭ kyar bơwih ƀong huă - mơnuih mơnam ƀơi hơdôm boh plơi pla kơjăp hloh, iâu pơthưr neh met wa pơtrut tui tơlơi hơmâo, gum djru nao rai đah mơ̆ng djă pioh gru hiam phara mơ̆ng lu phung djuai, pơtrut tui bruă tuai čuă ngui.