VOV4.Jarai - Jơnum ngui gơnam ƀong huă hăng bruă hyu čuă lăng plơi pơkra gơnam Hà Nội 2022 ƀrô SEA Games 31 kiăng pơƀuh gơnam ƀong huă hmư̆ hing Hà Nội, pơƀuh kơ ƀing tuai amăng dêh čar hăng mơng čar rơngiao thâo anŏ rơgơi, gru grua hiam mơng plơi pơkra gơnam đưm mơng plơi prong jưh jom - anih pơƀut 47/52 bruă pơkra gơnam tui đưm mơng plơi prong jưh jom. Mông jơnum ngui ngor him lăng pơphun amăng 5 hrơi, mơng lơ 19 truh lơ 23/5, ƀơi treng jơlan Lê Quang Đạo, kuâ̆n Nam Từ Liêm (lăng tơpă jơlan pơplông pơđuăi rơdêh F1). Khul pơphun bruă brơi thâo, mông Jơnum ngui amra hơmâo 6 anih kiăo tui tơlơi lăi nao phara, amăng anun hơmâo hơmâo sa, dua plơi pơkra gơnam đưm kah hăng man gô̆ lŏn Bát Tràng, mơñam mrai eh hlăt vạn Phúc, mơñam rơ-i čơ-ua Phú Vinh, sơn mài Hạ Thái, Sơn Đồng...Anai jing bruă pơhưč tuai hyu ngui hơmâo pơphun prong hăng yôm biă mă, pơtrut pơsur mơnuih ƀon sang mơng plơi prong jưh jom lăi hơjăn nao ngui pơ hơdôm anih hmư̆ hing mơng Hà Nội; ngă pơhưč mơnuih ƀon sang mơng abih bang tơring nao ngui pơ Hà Nội lăi hrŏm, laih dong pơƀuh anŏ yôm, djă gru phara mơng plơi pơkra gơnam, gơnam ƀong huă mơng Hà Nội.

Siu H’Mai: Pơblang