VOV4.Jarai - Amăng bruă jơnum “Ngui ngor đờn ca tài tử dêh čar tal 3 - Cần Thơ thun 2022”, mơguah lơ 7/4, Ding jum gru grua, bơkơjăp drơi jăn hăng Tuai čuă ngui ngă hrŏm hăng ƀon prong Cần Thơ pơdă prưng gông brô̆ djŏp djuai ania Việt Nam thun 2022. Pơdă prưng hơmâo 100 pok rup hăng rơbêh 200 pok hră, gơnam tam, hră pơ-ar pơdah tơlơi hơdip, tơlơi pơmin pran jua mơng djŏp djuai ania amăng djŏp kual amăng dêh čar. Amăng anun, lăi nao hơdôm djuai gong brô̆ đưm hmư̆ hing mơ-ak mơng djŏp djuai ania Việt Nam. Pơdă prưng hơmâo pơphun hăng lu mơta bruă. Djuai gông brô̆ mơng mơnuih djuai ƀiă dŏ gah kơdư čư̆ siăng phara ñu, hăng khèn, đing pi mơng djuai ania Mông; Kual ter hang ia rơsĭ Tong krah hơmâo hơgor Paranưng, hơgor Ghi năng, đing ayup Saranai...Hơdôm djuai ania kual Trường Sơn - Tây Nguyên hơmâo čêng, đing tơki kơbao, đing T’rưng, đing boh get, čêng pơtâo, đing pi, đing năm, teng greng...

Siu H’Mai: Pơblang