Pơdă prưng hăng anăn Tơlơi ngă yang ƀơi pra yang ơi pơtao Hùng Vương hăng adôh Xoan Phú Thọ ƀơi Dak Lak
Thứ tư, 10:20, 04/10/2023
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai- Mơguah tom brơi (3/10), ƀơi plơi prong Buôn Ma Thuột, sang djă pioh gru grua ơi pơtao Hùng Vương tơring čar Phú Thọ gum hrŏm hăng sang djă pioh gru grua tơring čar Dak Lak pơphun pơdă prưng hăng anăn “gru grua gah bơngăt pơ ala brơi ană mơnuih-Tơlơi ngă yang ƀơi pra yang ơi pơtao Hùng Vương hăng adôh Xoan Phú Thọ”.
Tal pơphun ƀơi Dak Lak dong mơng anai truh abih lơ 3/12, pơdă prưng 31 pok rup, pano hăng gơnam tam yôm kiăng lăi pơthâo tơl abih bang mơnuih hăng tuai čuă ngui ƀơi Dak Lak.
Laih dong, amăng rơwang hrơi tơjuh blung a pơphun pơdă prưng, grup hơmâo giăm 20 čô mơnuih apăn bruă mơng sang djă pioh gru grua ơi pơtao Hùng Vương tơring čar Phú Thọ amra nao pơ sang djă pioh gru grua Dak Lak kiăng pơphun adôh Xoan đưm brơi tuai čuă ngui. Mơng anun amra lăi pơthâo tơl abih bang gru grua, gơnam bơwih brơi tuai čuă ngui yôm phara mơng Phú Thọ.
Viết bình luận