Pơdă prưng rŭp “Ling tơhan pơgang guai dêh čar Việt Nam, Pơgang guai dêh čar Dak Lak – Gru pơđom pioh 65 thun pơjing hăng pơđĭ kyar
Thứ bảy, 09:14, 02/03/2024
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – “Ling tơhan pơgang guai dêh čar Việt Nam, Guai dêh čar tơring čar Dak Lak – Gru pơđom pioh 65 thun pơjing hăng pơđĭ kyar” lĕ anăn pơdă prưng rŭp yua kơ Khul thâo bôh pia tơlơi adôh suang Dak Lak gum hrŏm hăng Ƀirô git gai ling tơhan pơgang guai dêh čar tơring čar hăng Sang djă pioh gru grua Dak Lak pơphun čơtlăm 1/3.
Pơphun mơ̆ng ră anai truh abih lơ 15/4 pơ̆ anăp anai ƀơi Sang djă pioh gru grua tơring čar Dak Lak, bruă pơdă prưng pơdă prưng 120 mơta rŭp čơphin pơkĕ hrŏm hăng tivi pơdah rŭp ling tơhan pơgang guai dêh čar.
Anai lĕ hơdôm rŭp hmâo ruah mă mơ̆ng hơdôm tal hyu pơčeh phrâo, hơdôm tal hyu mă bruă ƀơi guai dêh čar mơ̆ng ƀing čih tơlơi pơhing phrâo hăng mơnuih čơphin rŭp, trah trel rŭp ling tơhan Pơgang guai dêh čar Việt Nam lăi hrŏm hăng tơring čar Dak Lak lăi ha jăn. Mơ̆ng anun lăi pơthâo, lăi pơhing kơ bruă mă 65 thun pơdŏng hăng pơđĭ kyar mơ̆ng Ling tơhan pơgang guai dêh čar, abih bang mơnuih ƀôn sang pơgang guai dêh čar nao hrŏm hăng pô lŏn ia./.
Viết bình luận