Tal pơdă rup anai hơmâo 150 pok rup čơphil hăng kač mơ̆ng hrơi Hà Nội phrâo pok pơhư prong guai ling ƀôn prong lơ 1/8/2008 truh ră anai. Kơnang kơ anun kiăng ƀuh rơđah rĭm črăn pơđĭ kyar bơwih ƀong huă mơnuih mơnam, tơlơi hơdip mơda mơnuih ƀôn sang, bruă pơtom hiăp, pơgang rơnuk rơnua hơđong mơ̆ng plơi prong jưh jom tơdơi kơ 15 thun rơgao, lăi pơtong bruă pơsit pok prong ling guai plơi prong jưh jom djơ̆ lăp.

Tal pơdă rup anai hơmâo ba pơdah hăng lu mơta rup, djă jă tơlơi kơđŏm hiam kơ plơi prong jưh jom Hà Nội, kah hăng hơtai boh kơ  dêh čar, hơmâo hơbô̆ phrâo, hlăk hrưn pran pơđĭ kyar kơtang biă mă, ba glăi lu boh tơhnal prong prin, lăp hăng anih jing phun akŏ bruă kơđi čar, kơnuk kơna lŏn ia, anih phun kơ tơlơi bơwih ƀong huă, gru grua, ia rơgơi, pơtô hrăm laih anun bruă pơtom hiăp hăng jar kmar mơ̆ng dêh čar ta. Pơdă rup anai djru hrŏm râo pơdưh pran jua tơlơi pơ-ư ang djuai ania, pơtrut pran jua khua mua ping gah hăng mơnuih ƀôn sang thâo gum pơgôp, djru pran hrŏm khut khăt man pơdong plơi prong jưh jom kiăng ƀrư̆ hrơi hiam klă, pơdrong sah, thâo rơgơi, phrâo hiam hloh.