Hrom hăng bruă mă sĭ mơdrô pơ anai, dŏ hơmâo lu bruă mă anăp pơ mơnuih ƀôn sang amăng kual lŏn hơmâo Sâm Ngọc Linh kông ngăn dêh čar. Pơdă sang čơ anai hơmâo 50 čơgăn gơnam mơ̆ng djop să, sang bruă sĭ mơdrô, grup ngă ƀong hrom....amăng tơring glông. Djop sang bruă ba pơdă gơnam sĭ mơdrô amăng mông pơdă Sâm Ngọc Linh, hơmâo jrao akha kyâo, boh čroh đang hmua hăng lu mơta ia jrao, gơnam yua mơ̆ng Sâm Ngọc Linh.

Ơi Võ Trung Mạnh, Khua jơnum min mơnuih ƀôn sang tơring glông Tu Mrông, tơring čar Kon Tum brơi thâo, hrom hăng bruă sĭ mơdrô, tal pơdă sang čơ anai dŏ hơmâo bruă mă anăp nao kơ mơnuih ƀôn sang ngă hmua, biă mă ñu rơnuk kơñ pơgi kơ kual lŏn hơmâo kông ngăn yôm mơ̆ng dêh čar kah hăng phun Sâm Ngọc Linh anai.