Tui hăng tơhnal pơkă hơmâo 3 mơta tơlơi lăp đing nao kơ bruă tuai čuă ngui yua Jơnum min mơnuih ƀôn sang tơring čar Kon Tum pơsit, brơi tŭ yap anih hyu ngui ĕp lăng glai klô čư̆ čan gưl tơring čar, đang glai mơ̆ dêh čar hlăk ngă pô wai pơgang ƀơi Čư̆ Mom Ray, brơi ngă hrŏm djop sang bruă ba tuai hyu ngui, nao ĕp lăng, pơsit tơhnal pơkă kiăng tuh pơ alin hăng pơjing tuôr ba hyu tuai ƀudah grup ba hyu tuai, kiăng thâo tong ten.

Amăng anun, pơtum mă yua anŏ gêh găl yua hơmâo lŏn glai, kyâo pơtâo dŏ hnong laih anun plơi pla jĕ giăm amăng kual hơmâo glai. Ơi Đào Xuân Thủy, Khua anom bruă wai lăng đang glai čư̆ Mom Ray brơi thâo, bruă pơtrut tañ pơđĭ kyar ba tuai čuă ngui lĕ anăp nao djơ̆ yơh mơ̆ng anom bruă wai lăng đang glai anai, yua djru brơi bruă wai lăng klô lĕ pô glai jing mơnuih ƀôn sang plơi pla jĕ giăm anun.