Pơđut hĭ jơnum ngui bơnga Mai anh đào-Đà Lạt bơyan bơnga 2026
Thứ hai, 10:56, 02/02/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Ƀơi Graih Đà Lạt, Jơnum min mơnuih ƀôn sang phường Xuân Hương-Đà Lạt gum hrŏm hăng hơdôm anom bruă bơdjơ̆ nao tơring čar Lâm Đồng pơphun pơđut hĭ Jơnum ngui bơnga Mai anh đào-Đà Lạt bơyan bơnga 2026, pơđut hĭ rơbêh 2 wŏt hrơi tơjuh pơphun dik dak hăng lu bruă mă, tơlơi ngui tui gru grua, adôh suang hăng hyu čuă ngui mơ-ak mơ-ai.
Jơnum ngui pơphun hăng 11 tơlơi ngui pơtum abih bang, hơmâo pơphun lu anih phun hăng kual ieo gah ƀơi Đà Lạt. Mơng anun, pơpŭ anŏ hiam mơng bơnga pơ ala brơi bơyan bơnga, ngă lar hyu rup rap ană mơnuih Đà Lạt rơhmač, jê̆ giăm, thâo čơkă tuai; laih dong pơgôp pơsur tuai čuă ngui, lăi pơthâo anăn apăn Đà Lạt-Lâm Đồng.
Khua Jơnum min mơnuih ƀôn sang phường Xuân Hương-Đà Lạt brơi thâo, jơnum ngui pơđut hĭ samơ̆ bơnga mai anh đào ăt dŏ bluh hiam djop anih, kơđŏm glăi tơlơi hiam klă mơng mơnuih ƀôn sang Đà Lạt amăng pran jua tuai čuă ngui, mơng anun hrưn đĭ rup rap anih čuă ngui Đà Lạt - Lâm Đồng.
Viết bình luận