Tui hăng tơlơi pơtong lăng mơ̆ng Khua mua pơphun Ngui ngor gru grua, hrơi jơnum ngui ngor gru grua anai hơmâo pơgôp hrŏm bruă ngă amăng khul gum pơgôp djuai ania, pơpŭ đĭ, pơdah thâo gru grua hiam rơnoh klă gru grua đưm djop djuai ania ƀiă amăng kual lŏn Dap Kơdư lăi pha hăng gru grua hiam đưm 54 djuai ania Việt Nam hnun mơ̆n. Amăng mông jơnum pơđut lĕ, Khul khua mua pơphun bruă ngui ngor pôr pơthâo hăng ƀơk lu hră pơsit anăn, apah bơni yôm kơ ƀing rơgơi kơhnâo bruă đưm juăt lăi ƀing kơhnăk thâo djă pioh gru grua đưm djuai ania.

Tơdơi kơ jơnum apah bơni, hơmâo 600 čô mơnuih kơhnăk, mơnuih adoh suang, ƀing pơrơguăt drơi jăn hăng ƀing pơ ala nao jơnum ngui atông čing suang arap lu mơnuih mơak biă mă ƀuăn bưp glăi amăng mông ngui ngor gru grua mơak djop djuai ania kual lŏn Dap kơdư tal II thun 2026 amra pơphun ƀơi tơring čar Lâm Đồng.