Hăng anăn ñu “Pơgang, ngă tui hăng lar hyu gru grua bôh thâo phiăn juăt mơ̆ng djop djuai ania ƀiă mơnuih”, hrơi jơnum ngui hmâo djru laih pran gum hrŏm hơbit kơjăp tui, pơpŭ; ngă tui bôh thâo phiăn juăt yôm phăn klă hiam mơ̆ng djop djuai ania ƀiă hloh 10.000 čô mơnuih đơ đam dêh čar lăi ha jăn hăng gru grua bôh thâo phiăn juăt mơ̆ng 54 djuai ania Việt Nam lăi hrŏm.

11 grŭp mơ̆ng 11 bôh tơring čar hmâo mrô mơnuih djuai ania ƀiă yŭ kơ 10.000 čô mơnuih hmâo ba truh laih hrơi jơnum ngui lu mơta, gru grua bôh thâo, hăng tơlơi pơmin bôh thâo hăng hơdră thâo pha ra lăi nao gru grua đưm, bôh thâo, gru grua ha jăn hmâo mơ̆ng djop djuai ania. Khă pơdah ƀu drưp drăp, samơ̆ ăt pơhlôm djop mơn hơdôm phiăn jơnum ngui đưm hăng tơlơi gum hrŏm mơng khul mơnuih ngă yang, mơnuih thâo phiăn đưm, hrŏm hăng lu gơnam ngă yang, tơlơi adôh suang, pơdah glăi tơlơi phiăn đưm mơng tơlơi hơdip hăng pơdah pran jua gum hrŏm hơbit djop djuai ania./.