Jơnum min mơnuih ƀôn sang plơi prong Gia Nghĩa, tơring čar Dak Nông pơphun pri pơplông waih song tui phiăn juăt ƀơi dơnao ia Tŏng krah plơi prong, hăng tơlơi gum hrŏm mơ̆ng 8 grŭp pơplông bơnai hăng rơkơi. Anai lĕ pri pơplông amăng hơdôm bruă mă čơkă Hơdor glăi 49 thun Hrơi tlaih rơngai Gia Nghĩa hăng hơdor glăi 20 thun pơdŏng glăi tơring čar Dak Nông (2004-2024).

Tơdơi kơ jua hơgor yung đĭ pok phun, hơdôm grŭp pơplông hmâo run laih pran pioh ba song tơbiă mơ̆ng krah dơnao ia, kiăo tui tơdruă pơplông. Khă adai pơ-iă hang samơ̆ lu mơnuih ƀôn sang ƀơi anai hăng tuai čuă ngui hmâo nao pah tơngan hơdôm grŭp pơplông. Amăng mông anun mơn, ƀơi rơhuông adai plơi prong Gia Nghĩa hmâo 4 bôh yu juang nao rai, djă ba khăn gru mriah bôh pơtŭ kơñĭ./.