Jơnum hmư̆ ƀing wai lăng, hơdôm anom bruă pơkra phim, ƀing kơhnâo kơhnăk amăng lŏn ia lăi pơthâo rơbêh 10 tơlơi pơgôp, hrŏm hăng hơdôm tơlơi pơgôp hiăp kơ hơdră djru mơng kơnuk kơna amăng bruă pơkra, pơdah, lăi pơthâo phim, pơkra phim tui jơlan gah xã hội chủ nghĩa; bruă jak iâu gum pơgôp brơi gơnong bruă pơkra phim, bruă sem lăng, pơgôp hiăp pơlir hăng ƀing mơnuih lăng; bruă pơlir gơnong bruă pơdah phim hăng tuai čuă ngui, ngă hrŏm jar kmar.

“Hơdră pơđĭ kyar gơnong bruă pơkra phim gru grua Việt Nam truh thun 2020, anăp nao truh thun 2030” hơmâo pơsit: pơjing gơnong bruă pơdah phim Việt Nam jing gơnong bruă gru grua phun, pơtrut pơđĭ kyar bơwih ƀong huă, pơhưč tuai čuă ngui hăng ba glăi kơdrưh ang mơng gơnong bruă pơkra phun Việt Nam amăng kual hăng jar kmar.