VOV4.Jarai-Lơ 19/5, ƀơi plơi prong Ƀuôn Ma Thuôt, Khul pơčeh tơlơi adoh Việt Nam ngă hrom tơring čar Dak Lak, pơphun jơnum pơplông adoh suang đơ đam dêh čar tal 1 thun 2022 hơmâo lu grup adoh suang mơ̆ng 20 boh tơring čar, ƀôn prong amăng dêh čar. Pơphun amăng hơdôm hrơi hăng anai, truh lơ 20/5, pơplông adoh suang tal anai hơmâo 52 hơdră adoh suang djop mơta, tơlơi pĕ gông atông brô̆, uă kơni, pĕ ting ning gông brô̆ djuai ania.

Pơplông adoh suang đơ đam dêh čar tal 1 thun 2022 dưi pơphun ƀơi Dak Lak

Boh yôm phun adoh bơni kơ Ping gah, Wa Hồ, bơni kơ dêh čar hăng ia rơsĭ, bul pơtâo Việt Nam; bơni kơ boh tơhnal dưi ngă, bruă man pơdong plơi pla phrâo amăng dêh čar ta ră anai. Biă mă ñu, hơmâo lu tơlơi adoh mơ̆ng djop tơring, djop kual amăng dêh čar, biă mă ñu tơlơi adoh đưm kual Dap Kơdư. Pơplông anai jing hrơi mơak pioh kơ ƀing adoh suang hăng pơgôp hrom tơlơi pơmin pran jua, bruă ngă adoh suang phrâo, hrăm nao rai tơdruă ƀing thâo pơčeh tơlơi adoh hăng ƀing adoh suang.

Nay Jek: Pơblang