Anai lĕ jơlan hơdră pơphun brơi bruă pơlir jơnum 9 jơlan hơdră mơng Festival bơnga Đà Lạt tal 9 thun 2022. Tuai hăng mơnuih ƀôn sang ƀơi plơi prong dưi hơduah ĕp lăng, găn rơgao lăng bôh thâo đưm Dăp Kơdư, hăng hơdôm bôh sang dlông tui phiăn juăt dưi ba hyu, dưm truă lu mơta.

Biă ñu amăng anun hmâo sang rông Măng Đen hrom hăng ƀing thâo rơngaih mơñam băn ao, bung bai, trah trel kyâu rai mơng Kon Plông, tơring čar Kontum.

Hrom hăng anun, lăng hơdôm gơnam hyu ĕp hmâo djă pioh rơbêh kơ 500 mơta gơnam đưm; lăng tơlơi pơmut hrom bă kơ tơlơi thâo mơng rŭp, ia mriah mơtah bơnal Silk house tal blung a dưi rơngaih mơñam yua kơ neh wa djuai ania ƀiă Dăp Kơdư mơñam hơdôm băn ao hiam./.