Jơlan hơdră kiăng pơpŭ, lăi pơhưč hơdôm anih anom nao, hơdôm anih čuă lăng amăng bơyan puih Hà Nội. Festival hmâo hơdôm anih: "Hương sắc mùa thu", "Hương vị mùa thu", "Quà tặng mùa thu", "Vườn ánh sáng" hăng hơdôm anih pơdă prưng, čơgăn gơnam, anih anom hiam, lăi pơthâo hơdôm anih kiăng nao čuă lăng Hà Nội ngă pơhưč pran jua amăng bơyan puih kah hăng tơdrông toa Long Biên, ƀôn prong đưm Hà Nội, sang phơ̆t Một Cột, plơi bơnga Mê Linh, plơi đưm Đường Lâm.

Biă ñu, amra hmâo hơdôm čơgăn gơnam lăi nao sang Phố Phái pơ̆ jơlan Lê Thạch, anih kơčep pơdă sĭ gơnam ƀong Tạ Hiện... Tal anai, ƀôn prong Hà Nội ăt pơphun mơn Anih lăi pơthâo gơnam ƀong ƀơi Anom jơnum čơđai muai Hà Nội. Hăng anăn ñu “Bôh thâo gơnam ƀong Việt”, Anih pơdă gơnam ƀong tum pơƀut 51 bôh anih pơdă mơ̆ng hơdôm khul mă bruă đưm, mơnuih thâo bruă đưm, anom bơwih ƀong, anih anom gơnam ƀong hmư̆ hing mơ̆ng plơi prong jưh jom Hà Nội hăng lu anih anom amăng đơ đam dêh čar./.