Gum hrom jơnum ngui hmâo giăm truh 500 čô mơnuih thâo tơlơi đưm mơng 15 tơring glông, plơi prong amăng tơring čar Daklak. Amăng 3 mlăm pơphun, hơdôm bôh anom amra pơdah hơdôm tơlơi adôh suang hăng lu mơta kah hăng: atông sa čô, dua čô hăng pĕ gông atông brô̆ djuai ania; adôh tơlơi adôh đưm, suang đưm; pơdah glăi sa dua phiăn ngă yang jơnum ngui đưm mơng djop djuai ania kah hăng Êđê, Bơnông, Jarai.

Anai lĕ tal pioh ƀing thâo tơlơi đưm, mơnuih pơdah ñu hmâo tơhnal pơbưp nao rai, bơkơtuai bôh thâo đưm nao hrom hăng pơdah atông čing hơgor, lăi pơhing, lăi pơthâo, lăi pơhư̆č gru grua bôh thâo čing hơgor Dăp Kơdư. Hrom hăng anun kơtưn thâo, bruă gơgrong, tơlơi ư-ang mơng hơdôm bôh mơnuih mă bruă pơgang, wai lăng hăng ngă tui nua yôm gru grua bôh thâo djuai ania./.