VOV4.Jarai - Mơguah lơ 10/2, ƀơi Sang djă pioh gru grua – hơdrôm hră lăng tơring čar Kontum, Khul mơnuih čih tơlơi pơhing tơring čar Kontum pơphun ngă Lơphet pok phun Jơnum ngui hră pơhing thun phrâo Nhâm Dần tơring čar Kontum thun 2022 hăng anăn ñu “Mơ-ak Ping gah ư-ang, Mơ-ak bơyan bơnga Nhâm Dần”.

Mơnuih pơđok hră pơhing ƀơi mông Jơnum ngui hră pơhing Bơyan Bơnga Nhâm Dần tơring čar Kontum thun 2022

Pơhiăp amăng mông ngă Lơphet, Kơ-iăng Khua Jơnum min mơnuih ƀôn sang tơring čar Kontum, ơi Nguyễn Hữu Tháp pơsit Jơnum ngui hră pơhing phrâo bơyan bơnga Nhâm Dần tơring čar Kontum thun 2022 lĕ hrơi Jơnum ngui mơng mơnuih čih tơlơi pơhing phrâo; Djru lăi pơhing hơdôm tơlơi čih pơhing truh hăng djop mơnuih; Pơtrut pơsur pran jua mă bruă hur har, pơčeh phrâo mơng khul mơnuih čih tơlơi pơhing phrâo kiăng djơ̆ hăng tơlơi kiăng lăi pơhing jai hrơi jai prong mơng mơnuih lăng, pơđok hră pơhing.

Lăi pơthâo bôh thâo gơnam ƀong huă tui phiăn juăt amăng mông Jơnum ngui hră pơhing Bơyan Bơnga Nhâm Dần tơring čar Kontum thun 2022

Amăng mông Jơnum ngui hră pơhing Bơyan nơnga Nhâm Dần tơring čar Kontum dô̆ pơphun lu bruă mă, kah hăng hơbai lăng añăm ƀong tui phiăn juăt djuai ania Bahnar, Jeh -–Triêng; Pơdah rŭp lăi nao Lŏn hăng Ană mơnuih Kontum; Lăi pơthâo hơdôm gơnam OCOP mơng tơring čar hăng 5 mơta gơnam ... Pơphun mơng lơ 10-13/2, Jơnum ngui hră pơhing phrâo bơyan bơnga Nhâm Dần tơring čar Kontum thun 2022 lĕ tal pioh mơnuih čih tơlơi pơhing mă bruă ƀơi hơdôm ƀirô čih tơlơi pơhing bơkơtuai, hrăm tui tơdruă tơlơi găn rơgao, mơng anun hmâo dong bôh thâo pơđĭ tui bruă mă, čih tơlơi pơhing. Anai ăt lĕ tal pioh tơring čar Kontum lăi pơhư̆č, lăi pơhing kơ gru grua bôh thâo pha ra truh hăng mơnuih ƀôn sang, tuai čuă ngui amăng tơring čar pô hăng tơring čar pơkon./.

Siu H’ Prăk: Pơblang