Ding jum gru grua, bơrơguăt drơi jăn hăng tuai čuă ngui ăt ba tơbiă akŏ bruă mă ngă tui tơlơi klah čun mơng Khua git gai Ping gah dêh čar amăng Jơnum gru grua đơ đam dêh čar hăng hơdră pơđĭ kyar gru grua truh thun 2030. Anom pơtô bruă Ping gah gơnong glông git gai pơphun Jơnum bơkơtuai đơ đam dêh čar “Rơnoh yôm dêh čar, rơnoh yôm gru grua, rơnoh yôm mơng sang anŏ hăng tơlơi hơdip mơng ană mơnuih dêh čar Việt Nam amăng rơnuk phrâo”. Lu tơring čar, ƀôn prong amăng đơ đam dêh čar hơmâo ba tơbiă tơlơi pơtrun pok pơhai tơlơi klah čun mơng Khua git gai Ping gah dêh čar ơi Nguyễn Phú Trọng amăng jơnum gru grua đơ đam dêh čar. Hà Tĩnh lĕ tơring čar blung a pơphun jơnum gru grua đơ đam tơring čar pok pơhai tơlơi klah čun mơng Jơnum gru grua đơ đam dêh čar thun 2021.

Amăng mông bơkơtuai bôh thâo 2022 hăng anăn ñu “Hơdră pơkă, hơdră bruă hăng ngăn rơnoh kơ pơđĭ kyar bôh thâo”. Pơhiăp amăng mông bơkơtuai anai, Khua Khul djuai ania Y Thanh Hà Niê Kdăm brơi thâo, Việt Nam lĕ sa bôh lŏn ia lu djuai ania, hăng 53 djuai ania ƀiă, rim djuai ania glăi hmâo hơdôm phiăn juăt, tơlơi hơdip mơda, jơlan gah hơdip hăng hơdôm gru grua pha ra, hmâo anô̆ pha ra ha jăn. Yua mơng tơlơi anun yơh pơjing kơ Việt Nam sa bôh thâo lu mơta rah, laih anun pơlir hơbit rah. Yua anun, pơgang hăng ngă tui bôh yôm khul djop djuai ania ƀiă kiăng pơhlôm tơhnal lu mơta, pơlir hơbit, tơhnal mut nao hrom hăng anô̆ kơjăp phik amăng pơđĭ kyar bơwih ƀong – mơnuih mơnam mơng lŏn ia dưi hmâo Ping gah, Kơnuk kơna na nao bơwih brơi, ngă tui. Rơkâo djă pioh hăng ngă tui nua yôm bôh thâo phiăn juăt klă hiam djop djuai ania ƀiă jai hrơi jai jing ječ amăng mông bơkơtuai hăng mut hrom jar kơmar. Hrom hăng bruă đing nao pơgang hăng ngă tui nua yôm bôh thâo phiăn juăt lĕ tơlơi pơčeh phrâo nao hrom kơjăp bruă pơgang hăng ngă tui hơdôm nua bôh thâo phiăn juăt djuai ania ƀiă hăng hơdôm jơlan hơdră, akô̆ bruă, hơdră bruă pơđĭ kyar bơwih ƀong – mơnuih mơnam kual djuai ania ƀiă, kual čư̆ siăng ăt kiăng dưi ba tơbiă mơn.