VOV4.Jarai - Ƀơi kual tuai čuă lăng dlai klô Kolia, să Thành Công, tơring glông Nguyên Bình, tơring čar Cao Bằng – Khul bôh thâo bôh pia djop djuai ania ƀiă Việt Nam pơphun bruă pơčeh bôh pia bôh thâo djop djuai ania Việt Nam thun 2022. Gum hrom thun anai hmâo 32 čô mơnuih mơng khul rai mơng 13 bôh tơring čar, ƀôn prong kual Pơngŏ dêh čar, amăng anun hmâo: Phú Thọ, Cao Bằng, Hà Nội, Lạng Sơn, Tuyên Quang, Bắc Kạn, Hòa Bình, Quảng Ninh, Thanh Hóa, Hà Giang, Yên Bái, Thái Nguyên hăng Bắc Ninh.

Pok phun bruă pơčeh bôh pia bôh thâo djop djuai ania ƀiă

Amăng rơwang mơng lơ 4/4 truh kơ 12/4, hơdôm mơnuih amăng khul bơkơtuai kơ hơdôm akô̆ bruă pơčeh tui hơdôm tơlơi čih kah hăng Bôh pia, Gru hiam, Čơphin rŭp, Er adôh, Tơlơi lăi pơdah, Tơlơi adôh suang đưm. Hơdôm mơnuih amăng khul gum hrom pơčeh dưi nao pơčeh hrom ƀơi hơdôm bôh tơring glông Nguyên Bình, Trùng Khánh, Hà Quảng. Pô thâo bôh pia Mông Văn Bốn, mơnuih mơng Khul bôh pia bôh thâo tơring čar Cao Bằng brơi thâo:

 “Gum hrom tơlơi pơčeh phrâo mơng Khul čih bôh pia bôh thâo djuai ania ƀiă tal anai hmâo bôh tŭ yua biă hăng drơi pô lom kâo dưi hrăm tui tơlơi găn rơgao pơčeh phrâo mơng adơi ayong ƀing gŏp čih kơ kual lŏn Cao Bằng, mơng anun djru kâo hmâo dong hơdôm tơlơi găn rơgao pơčeh phrâo yôm phăn”./.

Siu H’ Prăk: Pơblang