VOV4.Jarai - Amăng hră črâo bruă mrô 2704 lơ 28/4/2022, Kơ-iăng khua dêh čar ơi Vũ Đức Đam tŭ ư bruă brơi 1 anih pơnah mlăi (pơyong jê̆ hăng ataih), ƀu dưi rơgao 15 mơnit ôh ƀơi Hrơi pơphun Jơnum pơplông bơkơjăp drơi jăn Đông Nam Á tal 31 Việt Nam (SEA Games 31) amăng mơmot lơ 12/5/2022 ƀơi tơdron bơkơjăp drơi jăn Mỹ Đình, ƀon prong Hà Nội. Kơ-iăng khua dêh čar jao kơ Jơnum min mơnuih ƀon sang ƀon prong Hà Nội git gai ngă bruă, amăng anun ngă hrŏm hăng Ding jum gru grua bơkơjăp drơi jăn hăng tuai čuă ngui, hơdôm anom bruă bơdjơ̆ nao amăng bruă prăp lui, pơphun ngă; pơhlôm ngă tui djơ̆ tơlơi pơtrun mơng Kơnuk kơna kơ wai lăng, mă yua mlăi, rơnuk rơnua, hơđong kơjăp plơi pla; pơhlôm pơgang klin Covid-19.

Siu H’Mai: Pơblang