Amăng 2 hrơi laih rơgao, giăm 600 čô mơnuih apăn bruă, ƀing thâo adôh suang mơng 15 anom bruă amăng tơring čar Dak Lak hơmâo mut hrŏm ngui adôh suang, hăng 82 tơlơi adôh suang hơmâo adôh, ayun suang, pĕ gông brô̆, ngă sen. Tui sem lăng mơng khul pơphun, tal ngui adôh suang anai tum pơƀut lu mơnuih, hnưr phara, mơng čơđai glăk 13 thun truh pơ ƀing tha rơma 84 thun.

Tơlơi anai brơi ƀuh, tơlơi adôh suang amăng mơnuih mơnam glăk pơđĭ kyar djop anih hăng pơhưč lu mơnuih amăng plơi pla mut hrŏm. Djop grup hơmâo kiăo tui anăn pơphun mơng tal ngui adôh suang anun lĕ “Dak Lak âm vang ngày mới”, ƀing gơñu hơmâo prap lui tong ten, ba rai hơdôm tơlơi adôh suang mơ-ak hloh; pơdah tơlơi yôm phara tui gru grua truh pơplih phrâo. Gru grua mơng djop djuai ania mơng rĭm boh plơi pla hơmâo pơdah tong ten amăng hơdôm tơlơi adôh suang.