VOV4.Jarai - Hăng anăn jơnum “Trường Sơn Tây Nguyên - Gum pơgôp, gru grua djuai ania hăng pơđĭ kyar”, mơmot lơ 16/3, ƀơi tơdron lăk tơring glông Kon Plŏng, tơring čar Kon Tum pơphun Jơnum ngui ngor pơƀuh tơlơi adoh suang đưm djŏp djuai ania kual Trường Sơn - Tây Nguyên pok prong tal 3, thun 2022. Nao jơnum hrŏm hơmâo 600 čô mơnuih rơgơi kơhnâo, apăn bruă adoh suang mơng 19 boh tơring čar, ƀon prong amăng dêh čar.

Pơphun amăng 4 hrơi, mơng lơ 16 truh lơ 19/3, Jơnum anai amra pơphun hơdôm bruă kah hăng: Pơƀuh tơlơi ngui ngor đưm, jơnum ngui, tơlơi adoh suang, buh eng ao đưm, gong brô̆ đưm, čêng hơgor kual Dap Kơdư hăng bruă bơkơjăp drơi jăn, jơnum ngui hơtuk rơyă tơnă hơbai đah mơng djă bong, răk lui gru grua, pơtô glăi hăng pơtrut tui gru grua yôm mơng đưm hlâo, tơlơi phiăn, tơlơi ngui ngor mơng đưm...mơng djŏp djuai ania kual Trường Sơn -Tây Nguyên hăng djuai ania pơkŏn dong amăng dêh čar ta.

Siu H’Mai: Pơblang