Jơnum ngui pơplông pôr pơhing đơ đam dêh čar tal 16 thun 2024 ƀu djơ̆ kơnong lĕ hrơi ngui mơng ƀing pôr pơhing đôč ôh mơ̆ ăt pơphun amăng hrơi mông djop ƀon lan amăng đơ đam dêh čar glăk ječ ameč prap lui Jơnum Ping gah djop gưl, anăp nao Jơnum Ping gah đơ đam dêh čar tal 14 hăng anăp nao tal hơdor glăi 100 thun hră pơhing hơkrŭ Việt Nam.

Hăng anăn “Pôr pơhing Việt Nam-Pơplih phrâo amăng rơnuk yua boh thâo ia rơgơi”, Jơnum ngui pôr pơhing đơ đam dêh čar tal 16 thun 2024 pơsit tong, pơplih yua boh thâo phrâo amăng mă tơlơi pơhing lăi hrŏm hăng pôr pơhing hnun mơn ƀu djơ̆ kơnong pơplih yua boh thâo ia rơgơi, kơ bruă mă đôč ôh mơ̆ yôm hloh lĕ pơplih tơlơi pơmĭn, mơng gưl wai lăng, ƀing khua mua truh pơ hơdôm anih anom, mơnuih apăn bruă amăng mă tơlơi pơhing hăng lăi pơthâo. Anai lĕ hơdră bruă pơplih phrâo, yôm phăn biă mă kiăng kơ tŏ tui hăng pơđĭ kyar hơdôm anom mă tơlơi pơhing  lăi hrŏm hăng pôr pơhing hnun mơng amăng rơnuk phrâo.